3 декабрь, Шәмбе

15 май 2013 йыл, 15:02

Баш ҡалала «ауыл» зоопаркы асылды

автор: Розалия Вәлиева | фото: Розалия Вәлиева

«Башҡортостан» сауҙа үҙәгенең икенсе ҡатында ғәҙәти булмаған зоопарк асылды. Унда 30-ҙан ашыу хайуанды күрергә була. Улар араһында кәзә, һарыҡ, сусҡа бәрәстәре, себештәр, декоратив тауыҡтар, гөбөргәйелдәр, шулай уҡ ҡуяндар, диңгеҙ сусҡалары, ҡырғауыл, мысыр тауығы һәм хатта страус та бар. Улар барыһы ла Екатеринбургтан килтерелгән.

— Мегаполиста йәшәгән бала тауыҡтың ниндәй икәнен дә белмәй, был — ғәҙәти күренеш, — тине зоопарк етәксеһе Вадим Беляев. – Ауыл фермаһы шарттарында балалар йорт хайуандарын нисек аҫрауҙарын күреп, уларҙы һыйпап, ашатып ҡарай аласаҡ.

Зоопарк ял көндәрһеҙ һәм тәнәфесһеҙ 10.00 – 21.00 сәғәттәрҙә эшләйәсәк.

темалар: зоопарк