6 декабрь, Шишәмбе

14 май 2013 йыл, 12:00

Төбәктең юғары уҡыу йорттары дәүләт ярҙамы алыуға конкурста ҡатнаша ала

автор: Эльмира Сабирова

Рәсәйҙең Мәғариф һәм фән министрлығы донъя университеттары араһында илдәге юғары уҡыу йорттарының конкурентлыҡҡа һәләтен арттырыу өсөн дәүләт ярҙамы алыуға конкурс иғлан итте. Был хаҡта ведомствоның рәсми сайтында хәбәр ителә.

Дәүләт тарафынан бүленәсәк средстволар уҡыу йорттарының тикшереү мөмкинлектәрен арттырыуға, уҡытыусыларҙы, студенттарҙы, шулай уҡ сит илдәрҙең һәм Рәсәйҙең алдынғы университеттарында һәм ғилми ойошмаларында ғилми-тикшеренеү һәм белем биреү өлкәләрендә эшләү тәжрибәһе булған йәш белгестәрҙе йәлеп итеүгә, аспирантура һәм докторантура эшмәкәрлеген камиллаштырыу буйынса сараларҙы тормошҡа ашырыуға йүнәлтеләсәк.

Заявкалар 10 июнгә тиклем ҡабул ителә. Еңеүселәр 12 июлгә тиклем билдәләнәсәк.