10 декабрь, Шәмбе

14 май 2013 йыл, 9:21

Өфөлә «1000 велосипедсы көнө» үтәсәк

автор: Людмила Терновая

19 майҙа Өфөлә «1000 велосипедсы көнө» үтә. Был байрам баш ҡалала өсөнсө тапҡыр үткәреләсәк. Тәүге велоуҙышта 350 кеше ҡатнашһа, бер йылдан һуң уларҙың һаны дүрт тапҡырға тиерлек артты. Үткән йылда марафонда 1300 кеше ҡатнашты, уларға Башҡортостан Президенты Рөстәм Хәмитов һәм баш ҡала хакимиәте башлығы Ирек Ялалов та ҡушылды.

Быйыл веломарафон 12.30 сәғәттә Өфө ҡала Советы янынан старт алып, ҡаланың үҙәк урамдары буйлап үтәсәк. Велосипедсылар Конгресс-холдың спорт майҙансығына тиклем юл үтәсәк. Унда төрлө спорт ярыштары, конкурстар, уйындар ойоштороласаҡ. Байрамда теләгән һәр кеше ҡатнаша ала.