Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 56.97 ↑

EUR 62.16 ↓

28 апрель, Йома

Уфа   °

Башҡортостанда «Айыҡ ауыл» конкурсында ҡатнашыуға заявкалар ҡабул итеү тамамлана

Йәмғиәт

15 майҙа «Айыҡ ауыл-2013» республика конкурсында ҡатнашыуға заявкалар ҡабул итеү тамамлана.

Әлеге конкурс республика тормошонда мөһим ваҡиғаға әүерелде, айыҡлыҡ хәрәкәте Башҡортостан ауылдарында киң таралыу ала.

Шулай итеп, мәҫәлән, Салауат районының Көҫәпәй ауылында эскелек менән көрәшеү ҙур уңыш менән тамамланды. Ауылда айыҡ туйҙар һәм байрамдар ойошторола башланы, халыҡ эсеүҙән баш тартты. Һөҙөмтәлә йәштәр ауылда ҡала башланы, сөнки бында сәләмәт мөхит хөкөм һөрә, ауылдың киләсәге яҡты, өмөтлө булырына ышаныс арта.

Башҡортостан Республикаһы Хөкүмәте тарафынан «Айыҡ ауыл» конкурсында әүҙем ҡатнашҡан һәм еңеү яулаған ауылдар өсөн аҡсалата приздар ҡаралған. Средстволарҙы ауыл өсөн кәрәкле мөлкәт һатып алыуға йүнәлтергә мөмкин. Шулай итеп, Йылайыр районының Ишбулды ауылы халҡы средстволарҙы мәсет төҙөүгә һәм балалар өсөн майҙансыҡ булдырыуға тотонған.

Йылдан-йыл конкурста ҡатнашыусылар һаны арта бара. Бәйге меңләгән кешене берләштерә. Барыһы ла һау-сәләмәт балалар үҫтергән имен ғаиләләрҙе, уңышлы йәштәрҙе, бәхетле ҡарттарҙы күргеһе килә.

«Айыҡ ауыл-2013» конкурсына март айында старт бирелгәйне. Бөгөнгө көнгә Башҡортостан ауылдарынан йәмғеһе 50-нән ашыу заявка ҡабул ителгән. Урал аръяғы ауылдары айырыуса әүҙемлек күрһәтә.

Теги: айыҡ ауыл
Яндекс цитирования
Рейтинг ресурсов "УралWeb" -->
закрыть