4 декабрь, Йәкшәмбе

08 май 2013 йыл, 10:17

Туймазының йәш гвардиясылары ветерандарҙы Еңеү көнө менән ҡотланы

автор: Людмила Терновая

Бөйөк Ватан һуғышында еңеүгә 68 йыл тулыуҙы билдәләү сиктәрендә «Берҙәм Рәсәйҙең Йәш Гвардияһы»ның Туймазы районындағы бүлексәһе тантаналы митинг ойошторҙо, тип хәбәр итә ER.RU.

Ветерандарға ҡотлау һүҙҙәре менән Туймазы ҡалаһы ҡала биләмәһе башлығы Эдуард Рәхмәтуллин, хәрби комиссар Салаут Бәхтийәров, «Йәш Гвардия»ның урындағы бүлексәһе етәксеһе Альберт Хәсәнов мөрәжәғәт итте.

Бөйөк Ватан һуғышы ветерандары, тыл хеҙмәтсәндәре, йәштәр һәм ҡала халҡы алдында «Нон-стоп», «Инфинити» бейеү коллективтары, «Феникс» ансамбле сығыш яһаны. Йырсылар Руслан Миңлебаев, Азалия Джураева һәм Ләйсән Хәсәншина һуғыш тураһында йырҙар башҡарҙы. Ветерандар өсөн сәй эсеү ойошторолдо, уларҙың һәр береһенә бүләктәр тапшырылды.

темалар: еңеү көнө