3 декабрь, Шәмбе

30 апрель 2013 йыл, 17:19

Мәләүез районы «Йәшел мәктәп» экологик акцияһына ҡушылды

автор: Арина Рәхимҡолова

30 апрелдә Мәләүез районының барлыҡ мәғариф учреждениеларында Тирә-яҡ мөхитте һаҡлау йылы сиктәрендә экологик акциялар үткәрелде. «Йәшел мәктәп» экологик проектты ойоштороусылар булып Башҡорт дәүләт педагогия университеты сығыш яһай.

Төп экологик сара 6-сы лицейҙа үтте, ағас ултыртыуҙа район хакимиәте башлығы Малик Вәхитов, уның урынбаҫарҙары, уҡытыусылар һәм лицейҙы тамамлаусылар ҡатнашты, тип хәбәр итте «Башинформ» агентлығына Мәләүез районы хакимиәтенең мәғлүмәт-аналитика бүлеге баш белгесе Юлиә Мырҙабулатова.

Өмәлә ҡатнашыусылар «Лицейҙы тамамлаусыларҙың иҫтәлекле аллеяһы»нда 21 ағас ултыртты. Ә тотош Мәләүез районында акция сиктәрендә 1400 үҫенте ултыртылды.