10 декабрь, Шәмбе

29 апрель 2013 йыл, 14:08

Башҡортостан «Таҙа республика өсөн!» акцияһына ҡушылды

автор: Ғәлиә Нәбиева

Башҡортостанда «Таҙа республика өсөн!» экологик акцияһы үтте. Был көндө ҡала һәм район халҡы экологик өмәләр үткәрҙе һәм территорияларҙы, парктарҙы, скверҙарҙы, юлдарҙы, урмандарҙы таҙартыуҙа, ағас һәм ҡыуаҡтар ултыртыуҙа ҡатнашты.

Дөйөм республика өмәһенә Өфө лә әүҙем ҡушылды, тип хәбәр иттеләр ҡала хакимиәтенән. Предприятие һәм ойошма хеҙмәткәрҙәре, ҡала халҡы урамдарҙы һәм ихаталарҙы, тротуарҙарҙы һәм газондарҙы сүп-сарҙан таҙартты. Акцияла уҡытыусылар, уҡыусылар, студенттар, табиптар, торлаҡ-коммуналь хужалыҡ хеҙмәткәрҙәре ҡатнашты.

Башҡортостан баш ҡалаһында экологик өмәлә 53 мең кеше ҡатнашты¸814 берәмек техника файҙаланылды. Өфөнө йәшелләндереүгә айырыуса иғтибар бүленде — 2,5 меңдән ашыу ағас һәм 1,6 мең ҡыуаҡ ултыртылды.