Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.36

EUR 69.71

21 август, Дүшәмбе

Уфа   °

Төбәктә «Минең Республикам» социаль-экологик акцияһы старт ала

Йәмғиәт

Башҡортостанда Тирә-яҡ мөхитте һаҡлау йылына арналған «Минең Республикам» йәштәр социаль-экологик акцияһының беренсе этабы 27 апрелдә старт ала.

Төбәктә экология торошон яҡшыртыу, ауылдарҙа уңайлы мөхит булдырыу һәм Башҡортостан экологияһы өсөн йәштәрҙең яуаплылығын арттырыу сараның төп маҡсаттары булып тора. Акция республиканың барлыҡ ҡала һәм райондарында май аҙағынаса дауам итәсәк.

Тәүге төҙөкләндереү саралары Ағиҙел йылғаһының Салауат Юлаев һәйкәленән алып автомобиль күперенә тиклемге өлөшөндә үтәсәк. Уларҙа ҡаланың юғары һәм урта махсус уҡыу йорттары студенттары – йәмғеһе 400-ҙән ашыу кеше ҡатнашасаҡ.

Иң әүҙемдәр өсөн Республика йәштәр мәшғүллегенә булышлыҡ итеү үҙәге бүләктәр әҙерләгән.

Сараны ойоштороусылар булып Башҡортостан Республикаһының Йәштәр сәйәсәте һәм спорт министрлығы, Тәбиғәттән файҙаланыу һәм экология министрлығы, Республика йәштәр мәшғүллегенә булышлыҡ итеү үҙәге, Өфө ҡалаһының Киров районы хакимиәте сығыш яһай.

Яндекс цитирования
Рейтинг ресурсов "УралWeb"
закрыть