11 декабрь, Йәкшәмбе

23 апрель 2013 йыл, 11:10

Республикала яратҡан табиптар өсөн тауыш биреү башланды

автор: Эльмира Сабирова

Республикала яратҡан табиптар өсөн тауыш биреү башланды: «Беҙҙең яратҡан табип» интернет-конкурсы сиктәрендә өфөлөләр һәм Башҡортостан халҡы үҙҙәренең, яҡындарының тормошонда ҙур роль уйнаған табиптар тураһында һөйләй ала, шулай уҡ балалар ҙа һүрәттәре аша табиптарға рәхмәт һүҙҙәрен еткерә ала.

Конкурста республиканың барлыҡ дауалау-профилактика учреждениеларынан 860-тан ашыу балалар табибы ҡатнашасаҡ.

Бәйгенең махсус сайтында улар өсөн тауыш бирергә мөмкин. Еңеүселәрҙе тәбрикләү тантанаһы 1 июндә – Балаларҙы яҡлау көнөндә үткәрелә. Сайт 22 апрелдән 22 майға тиклем эшләйәсәк, тип хәбәр иттеләр БР Һаулыҡ һаҡлау министрлығының матбуғат хеҙмәтенән.