Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 56.97 ↑

EUR 62.16 ↓

28 апрель, Йома

Уфа   °

Санкт-Петербургта Башҡорт мәҙәниәте көнө үтте

Мәҙәниәт

Үткән йомала Санкт-Петербургтың «Советский» концерт залында Башҡорт мәҙәниәте көнө үтте. Сара ҡаланың Мәҙәниәт буйынса комитеты һәм Башҡортостан Республикаһының Даими вәкиллеге ярҙамында Санкт-Петербург башҡорттары ҡоролтайы (конгресы) менән ойошторолдо. Программа сиктәрендә Мостай Кәримдең «Оҙон-оҙаҡ бала саҡ» әҫәре буйынса «Башҡортостан» киностудияһы менән төшөрөлгән фильм күрһәтелде.

Сарала Башҡорт дәүләт филармонияһы артистары – Азат Биксурин һәм Заһир Иҫәнсурин сығыш яһаны, тип хәбәр итте Башҡортостандың Санкт-Петербургтағы Даими вәкиллегенең баш белгесе Мәүлиҙә Ильясова. Шулай уҡ Люциә Буканова етәкселегендәге «Ирәндек» башҡорт фольклор ансамбле (Санкт-Петербург) ҙур концерт программаһын тәҡдим итте.

Байрам сиктәрендә күргәҙмә-йәрминкә ойошторолдо, унда башҡорт балы, халыҡ промыслалары изделиелары тәҡдим ителде. Сара йәштәр дискотекаһы менән тамамланды.

Яндекс цитирования
Рейтинг ресурсов "УралWeb" -->
закрыть