3 декабрь, Шәмбе

12 апрель 2013 йыл, 11:30

Республика Президенты: «Мин Президент булып эшләгән саҡта, Торатауҙы берәү ҙә эшкәртмәйәсәк»

автор: Эльвира Латипова

— Мин Президент булып эшләгән саҡта, Торатауҙа берәү ҙә эшкәртмәйәсәк, — тип белдерҙе Рөстәм Хәмитов, Башҡортостан юлдаш телевидениеһының тура эфирында сода производствоһының сеймал базаһы тураһындағы һорауға яуап биреп. – Был минең аныҡ позициям. Был турала асыҡтан-асыҡ әйтәм.

Рөстәм Хәмитов фекеренсә, Торатау – тейелгеһеҙ тәбиғәт ҡомартҡыһы һәм изге тау, башҡорт халҡының тарихында ул ҙур әһәмиәткә эйә.

— Республиканың Ғафури, Ишембай, Архангел райондарында башҡа сеймал сығанаҡтары бар, — тип билдәләне БР Президенты. – Торатауҙы эшкәртеүгә ҡарағанда, был, әлбиттә, ҡиммәтерәккә төшә, әммә тап ошо вариантты ғына ҡарарға кәрәк.

Бынан тыш, «сеймалды тәрәнерәк ерҙән сығарыу ысулын өйрәнергә», Шахтау ятҡылыҡтарын эшкәртеүҙе дауам итергә кәрәк. Бының өсөн яңы технология булдырыу, сода производствоһын яңыртыу талап ителә, тип иҫәпләй Президент.