5 декабрь, Дүшәмбе

10 апрель 2013 йыл, 9:34

Мәскәүҙә Рөстәм Хәмитовтың РФ финанс министры Антон Силуанов менән осрашыуы үтте

автор: "Башинформ"

9 апрелдә Мәскәүҙә Башҡортостан Президенты Рөстәм Хәмитов Рәсәйҙең финанс министры Антон Силуанов менән осрашты, тип хәбәр иттеләр төбәк башлығының матбуғат хеҙмәтенән. Осрашыуҙа республиканың бюджет секторын финанслау мәсьәләләре тикшерелде.

Эш осрашыуы барышында, атап әйткәндә, Өфөнөң инфраструктура объекттары төҙөлөшөн финанс яҡтан тәьмин итеү, республиканың бюджет өлкәһе хеҙмәткәрҙәренә эш хаҡын арттырыу тураһында һүҙ барҙы.