6 декабрь, Шишәмбе

09 апрель 2013 йыл, 16:19

Рөстәм Хәмитов БР Мәғлүмәт технологиялары буйынса агентлығы етәксеһе урынбаҫарын тәғәйенләне

автор: "Башинформ"

Башҡортостан Президенты Рөстәм Хәмитов Юрий Крюковты Башҡортостан Республикаһының Мәғлүмәт технологиялары буйынса агентлығы етәксеһе урынбаҫары итеп тәғәйенләү тураһындағы бойороҡҡа ҡул ҡуйҙы, тип хәбәр иттеләр БР Хөкүмәте Аппаратынан.

Юрий Валерьевич Крюков 1970 йылда Туймазы ҡалаһының Серафимовский ҡасабаһында тыуған. Юғары белемле. 1992 йылда – Башҡорт дәүләт педагогия университетын, 2003 йылда Өфө дәүләт нефть техник университетын тамамлай.

Хеҙмәт эшмәкәрлеген 1992 йылда БДПУ-ның программалау һәм иҫәпләү математикаһы кафедраһында ассистент булып башлай. 2013 йылдан әлегә тиклем «Башнефть» акционерҙар нефть компанияһы» асыҡ акционерҙар йәмғиәтенең ИТ-проекттар департаменты алдынғы белгесе вазифаһын башҡарҙы.