6 декабрь, Шишәмбе

08 апрель 2013 йыл, 9:31

Рөстәм Хәмитов «Русский репортер» журналы вәкилдәре менән осрашты

автор: «Башинформ» | фото: Олег Яровиков

5 апрелдә Башҡортостан Президенты Рөстәм Хәмитов «Эксперт» медиа-холдингының аҙна һайын сығыусы «Русский репортер» журналының баш мөхәррире урынбаҫары Владимир Шпаков һәм баҫманың фән бүлеге мөхәррире Григорий Тарасевич менән осрашты, тип хәбәр иттеләр төбәк башлығының матбуғат хеҙмәтенән. Һүҙ «Өфө-24» проекты барышы һәм артабан хеҙмәттәшлек итеү мөмкенлектәре тураһында барҙы.

Республика етәксеһе төбәкте үҫтереү мөмкинлектәрен нисек күреүе хаҡында һөйләне. «Өфө-24» проектында ҡатнашыусыларға Рөстәм Хәмитов «халыҡ именлегенә уңышлы һәм ғәҙел эшләүҙәрен» теләне.

«Өфө-24» проекты – ҡала тормошонан бер көн 5 апрелдә үтте. Унда Рәсәйҙең байтаҡ төбәктәренән ике йөҙҙән ашыу журналист ҡатнашты. Тәүлек дауамында улар «Русский репортер» журналы сайтында Өфөнөң һәм республиканың 300 нөктәһенән тоталь журналистика жанрында тапшырыуҙар алып барҙы.