10 декабрь, Шәмбе

05 апрель 2013 йыл, 12:44

«Иң яҡшы күп фатирлы йорт-2012» конкурсында еңеүселәр билдәләнде

автор: Розалия Вәлиева

«2012 йыл йомғаҡтары буйынса иң яҡшы күп фатирлы йорт» республика конкурсында еңеүселәр билдәләнде, тип  хәбәр ителә БР Торлаҡ-коммуналь хужалыҡ министрлығының рәсми сайтында.

Конкурста Өфө, Стәрлетамаҡ, Салауат, Сибай һәм Башҡортостаның башҡа ҡаларында урынлашҡан 211 йорт ҡатнашты.

Иң яҡшылары тип 100 йорт танылды. Еңеүселәр БР Торлаҡ-коммуналь хужалыҡ министрлығының почет грамоталары һәм 100 мең һум күләмендә аҡсалата премиялар менән наградланасаҡ. Был средстволар күп фатирлы йортто һәм йортҡа ҡараған биләмәне төҙөк хәлдә тотоуға йүнәлтеләсәк. Премияның 10 процентҡа тиклемге өлөшөн йорт хужаларының ризалығы менән йорт комитетына йәки йорт хужалары берләшмәһе рәйесенә премия итеп бирергә мөмкин.