Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.92 ↑

EUR 70.37 ↑

16 август, Шаршамбы

Уфа   °

Нуриман районында ауыл халҡына тәүге медицина ярҙамы күрһәтеү проекты старт ала

Йәмғиәт

БР Дәүләт Йыйылышы – Ҡоролтай депутаты, Башҡортостан Республикаһының халыҡ артисы Айҙар Ғәлимов Президент программаһын тамамлаусылар ассоциацияһы менән берлектә Нуриман районында ауыл халҡына тәүге медицина ярҙамы күрһәтеү проектын башлай.

Муниципалитет хакимиәте һәм Үҙәк район дауаханаһы етәкселеге ярҙамында 20 ауылда медицинаға ниндәй ҙә булһа ҡағылышы булған кешеләр (пенсионер фельдшерҙар, шәфҡәт туташтары, медицина өлкәһендә өҫтәмә белем алған уҡытыусылар) һайлап алынған. Улар өсөн махсус аптечкалар әҙерләнгән.

Бынан тыш, Үҙәк район дауаханаһы белгестәре ирекмәндәргә методик һәм консультацион ярҙам күрһәтәсәк.

Билдәле булыуынса, һаулыҡ һаҡлау өлкәһен оптималләштереү һәм яңыртыу һөҙөмтәһендә тотош һаулыҡ һаҡлау системаһы үҙгәртеп ҡоролдо, айырыуса был ауыл ерендәге медицина учреждениеларына ҡағылды. Һөҙөмтәлә байтаҡ участка дауаханалары ябылды, фельдшер-акушерлыҡ пункттары һаны ҡыҫҡартылды, кадрҙар дефициты барлыҡҡа килде. Был мәсьәләләрҙе хәл итеү өсөн әлеге программа булдырылды ла инде.

Иҫегеҙгә төшөрәбеҙ, Президент программаһын тамамлаусылар ассоциацияһы ағзалары республиканың билдәле медицина хеҙмәткәрҙәре һәм БР Дәүләт Йыйылышы депутаттары менән берлектә бындай акцияны тәүге тапҡыр үткәрмәй. Бығаса ауыл халҡына тәүге медицина ярҙамы күрһәтеү буйынса проект Стәрлетамаҡ районында тормошҡа ашырылды.

Яндекс цитирования
Рейтинг ресурсов "УралWeb"
закрыть