3 декабрь, Шәмбе

03 апрель 2013 йыл, 11:18

«Ижтимағи электрон гәзит» уҡыусыларының һорауҙарына медицина-социаль экспертиза буйынса баш эксперт яуап бирә

автор: Әлим Фәйезов

Шаршамбы, 3 апрелдә, «Ижтимағи электрон гәзит» (www.i-gazeta.com) сайтында Рәсәй Федерацияһы Хеҙмәт һәм социаль яҡлау министрлығының «БР Медицина-социаль экспертиза баш бюроһы» федераль ҡаҙна учреждениеһы етәксеһе Юрий Томиловтың онлайн-конференцияһы бара.

Урындағы ваҡыт менән 11-ҙән 12-гә тиклем «Ижтимағи электрон гәзит» сайтына ингән һәр кеше, «Һорау бир!» бүлегендәге тейешле форманы тултырып, уға мөрәжәғәт итә ала.

Интернет ҡулланыусылар өсөн i-gazeta.com сайтынан видеотрансляция «Башинформсвязь» асыҡ акционерҙар йәмғиәтенең техник ярҙамында бойомға ашырыла.

Юрий Томиловтың интернет-берләшмә менән аралашыуы «Ижтимағи электрон гәзит» сайтында һәм «Башинформ» мәғлүмәт агентлығының яңылыҡтар теҙмәһендә лә сағылыш табасаҡ.

Рендеринг һәм конвертациянан һуң «Ижтимағи электрон гәзит» сайтында онлайн-конференциянан тулы видеоотчет биреләсәк.