11 декабрь, Йәкшәмбе

02 апрель 2013 йыл, 16:02

Башҡортостанға Францияның Рәсәйҙәге илсеһе Жан де Глиниасти киләсәк

автор: Эльвира Латипова

3 апрелдә Өфөгә Франция Республикаһының Рәсәй Федерацияһындағы Ғәҙәттән тыш һәм Тулы хоҡуҡлы илсеһе Жан де Глиниасти һәм уның ҡатыны визит менән килә, тип хәбәр иттеләр БР Президентының матбуғат хеҙмәтенән.  Шулай уҡ Башҡортостан баш ҡалаһына Франция бизнесы вәкилдәре килеүе көтөлә.

Рәсми саралар 4 апрелгә билдәләнгән. Программала дипломаттың Башҡортостан етәкселеге менән осрашыуы ҡаралған. Шулай уҡ илсенең Өфө етәкселеге, Башҡорт дәүләт университетының роман-герман факультеты студенттары һәм уҡытыусылары, Рәсәй мосолмандарының Үҙәк диниә назараты рәйесе Тәлғәт Тажетдин менән осрашыуы планлаштырылған.

Дипломаттың ҡатыны – Катрин де Глиниасти өсөн дә айырым программа әҙерләнгән.

Бынан тыш, Францияның бизнес берләшмәләре вәкилдәре Башҡортостандан потенциаль партнерҙар менән БР Сауҙа-сәнәғәт палатаһында һөйләшеүҙәр үткәрәсәк.