3 декабрь, Шәмбе

02 апрель 2013 йыл, 11:19

Башҡортостанда Бюджет инвестициялары буйынса эксперттар советы составы раҫланды

автор: Эльвира Латипова

Башҡортостан Республикаһының Бюджет инвестициялары буйынса эксперттар советы составы һәм Эксперттар советы тураһындағы положение БР Хөкүмәте ҡарары менән раҫланды.

БР Иҡтисади үҫеш министрлығынан хәбәр итеүҙәренсә, совет төбәк бюджетынан инвестициялар йүнәлтеү стратегияһын һәм өҫтөнлөктәрен билдәләү өсөн булдырылған. Эксперттар бюджет инвестициялары өлкәһен стратегик һәм өҫтөнлөклө үҫтереү буйынса тәҡдимдәр әҙерләйәсәк һәм тикшерәсәк, Республика адреслы инвестиция программаһының үтәлешенә контроллек итәсәк.

Совет рәйесе – БР Хөкүмәте Премьер-министрының беренсе урынбаҫары Рәүф Ноғоманов. Экспеттар советы составына шулай уҡ вице-премьерҙар Евгений Маврин, Лилиә Ғүмәрова, Эрнст Исаев, БР иҡтисади үҫеш министры Александр Марьин, республиканың финанс министры Рузалия Хисмәтуллина һәм төбәктең Төҙөлөш һәм архитектура буйынса дәүләт комитеты рәйесе Камил Мансуров инде.