8 декабрь, Кесе йома

01 апрель 2013 йыл, 14:43

2013 йылдың иң яҡшы башҡорт теле һәм әҙәбиәте уҡытыусыһы Стәрлетамаҡта эшләй

автор: Эльмира Сабирова

«Башҡорт теле һәм әҙәбиәте йыл уҡытыусыһы-2013» төбәк-ара конкурсында еңеүсе тип Стәрлетамаҡ ҡалаһының Жәлил Кейекбаев исемендәге 3-сө гимназияһы уҡытыусыһы Зөлфиә Баязғолова танылды. Лауреаттар иҫәбендә – М.Кәрим исемендәге 158-се башҡорт гимназияһынан Фәриҙә Миһранова, А.М.Горький исемендәге 3-сө гимназиянан Фәнгизә Нафикова, Сибайҙың 1-се урта дөйөм белем биреү мәктәбенән Илүзә Насырова һәм Салауат ҡалаһының 23-сө урта дөйөм белем биреү мәктәбенән Резеда Килсенбаева.

Быйыл һөнәри оҫталыҡ бәйгеһендә 55 педагог, шул иҫәптән Ырымбур һәм Һамар өлкәләренән уҡытыусылар ҡатнашты, тип хәбәр иттеләр БР Мәғариф министрлығынан. Конкурста ҡатнашыусылар асыҡ дәрестәр, оҫталыҡ дәрестәре үткәрҙе, лекциялар менән сығыш яһаны, фекер алышыуҙа ҡатнашты.

Бәйге финалы Стәрлетамаҡ күп профилле колледжында үтте.