6 декабрь, Шишәмбе

25 март 2013 йыл, 17:34

Төбәктә һауым күләмдәре арта

автор: Галина Бахшиева

Республика хужалыҡтарында һауым күләмдәре арта. Һәр һыйырҙан уртаса 10,8 килограмм һөт һауып алына, тип хәбәр иттеләр БР Ауыл хужалығы министрлығының матбуғат хеҙмәтенән.

Һауым буйынса иң яҡшы күрһәткестәр был көндәрҙә Стәрлетамаҡ (бер һыйырҙан тәүлегенә 16,7 килограмм һөт һауып алына), Саҡмағош (15,5), Тәтешле (14,7), Өфө (14,6), Мәләүез (14,3) һәм Ауырғазы райондарында (13,2) күҙәтелә.

2013 йыл башынан алып һауым буйынса бер меңлек сикте Саҡмағош, Стәрлетамаҡ, Тәтешле, Мәләүез, Өфө һәм Дүртөйлө райондары үткән.

Республика буйынса тулайым һауым 276800 тоннанан ашыу тәшкил итә, 120690 тоннаға яҡын һөт һатылған.