3 декабрь, Шәмбе

25 март 2013 йыл, 16:32

Башҡортостанда ҡар яуыуы, көслө ел сығыуы һәм боҙлауыҡ булыуы көтөлә

автор: Галина Бахшиева

Башҡортостанда 26 мартта һәм 27 мартта төндә ҡар яуыуы, секундына 15-20 метр тиҙлектәге ел сығыуы, боҙлауыҡ булыуы көтөлә, тип хәбәр иттеләр Рәсәй Гидрометеорология үҙәгенән.

Синоптиктар фаразлауынса, яуым-төшөм республикала аҙна аҙағына ғына туҡтаясаҡ. Аҙнаның тәүге ике көнө сағыштырмаса йылы була: көндөҙ — нуль градус тирәһе, төндә — минус 5-7 градус. 24 мартта төбәктә төндә — 10 градусҡа тиклем, 28 мартта 13 градусҡа тиклем һыуытасаҡ. Алдағы көндәрҙә һауа температураһының тағы ла түбәнәйеүе көтөлә: ҡайһы бер райондарҙа термометр бағанаһы төндә минус 15-16 градусҡа тиклем түбәнәйәсәк.

темалар: һауа торошо