6 декабрь, Шишәмбе

25 март 2013 йыл, 16:19

Төбәктә бала табыу сертификаттары программаһын тормошҡа ашырыуға 144 миллион һум аҡса йүнәлтелгән

автор: Ғәлиә Нәбиева

Башҡортостанда Рәсәй Социаль страховкалау фондының БР буйынса төбәк бүлексәһе бала табыу сертификаттары программаһы буйынса түләүҙәр биреүгә 144,4 миллион һум аҡса йүнәлткән. Программала йәмғеһе 94 медицина ойошмаһы ҡатнаша, тип хәбәр иттеләр фондтан.

Яҡынса мәғлүмәттәр буйынса, 2013 йылдың ике айы эсендә республикала 8744 сабый, шул иҫәптән 4430 малай һәм 4314 ҡыҙ тыуған. Ғаиләлә икенсе булып тыуған балалар яңы тыуған сабыйҙарҙың 38,4 процентын тәшкил итә. Ә өсөнсө һәм унан һуңғы бала тапҡан ғаиләләр һаны, үткән йылдың ошо уҡ осоро менән сағыштырғанда, 5,6 процентҡа артҡан.