7 декабрь, Шаршамбы

20 март 2013 йыл, 14:41

Берҙәм рәсәйлеләр Александр Дегтяревты Дәүләт Думаһының этика буйынса комиссияһы башлығы вазифаһына тәҡдим итте

автор: Ғәлиә Нәбиева

«Берҙәм Рәсәй» парламент фракцияһы Дәүләт Думаһының Мәғариф буйынса комитеты рәйесе Александр Дегтяревты Думаның этика буйынса комиссияһы башлығы вазифаһына кандидат итеп тәҡдим итте. Кандидат йәшерен тауыш биреү юлы менән альтернатив нигеҙҙә һайланған. Һуңғы ҡарар бөгөн, 20 мартта, ҡабул ителәсәк, тип хәбәр итә ER.ru.

«Хеҙмәттәштәре Александр Дегтярев кандидатураһын күпселек тауыш менән осраҡлы ғына һайламаған», тип был ҡарарға комментарий бирҙе Дәүләт Думаһы вице-спикеры, «Берҙәм Рәсәй»ҙең Генераль советы секретары Сергей Неверов. «Александр Николаевичты яҡшы репутациялы кеше булараҡ беләбеҙ, ул фракциялағы хеҙмәттәштәре араһында ғына түгел, тотош Дәүләт Думаһында ла ҙур абруй ҡаҙана», тип өҫтәне вице-спикер.