3 декабрь, Шәмбе

20 март 2013 йыл, 14:06

Башҡортостандың «Бук-М2» зенит комплекстары экипаждары бишенсе тапҡыр Ҡыҙыл майҙанда Еңеү парадында ҡатнашасаҡ

автор: Әлим Фәйезов

«Бук-М2» зенит ракета комплекстары экипаждары Мәскәүҙә Ҡыҙыл майҙанда Еңеү парадына әҙерлек үткәрә. Үҙәк хәрби округының Башҡортостанда урынлашҡан зенит ракета берләшмәһе составы һәм техникаһы бындай сарала бишенсе тапҡыр ҡатнашасаҡ, тип хәбәр иттеләр Үҙәк хәрби округының матбуғат хеҙмәтенән.

Парадта ҡатнашасаҡ колонна составында Ҡыҙыл майҙан буйлап һигеҙ берәмек хәрби техника үтәсәк. Экипаждар саҡырыу һәм контракт буйынса хеҙмәт иткән, медицина һәм психологик тикшереүҙәр үткән әҙерлекле хәрби хеҙмәткәрҙәрҙән тора. Еңеү парадына әҙерлек сиктәрендә зенит ракета берләшмәһендә экипаждар составы менән махсус дәрестәр үткәрелгән.