4 декабрь, Йәкшәмбе

19 март 2013 йыл, 16:27

Өфөлә 23 мартта Радик Гәрәев иҫтәлегенә арналған концерт үтә

автор: Ольга Мортазина

23 мартта, күренекле йырсы һәм мәҙәниәт хеҙмәткәре Радик Гәрәевтың тыуған көнөндә, Башҡорт дәүләт филармонияһының ҙур залында уның хәтер кисәһе үтә. Филармонияның матбуғат хеҙмәтенән хәбәр итеүҙәренсә, «Хәтер һуҡмаҡтары мәңгелек» концерты өҫтөндә режиссер Салауат Итбаев эшләй. Программала Иҙрис Ғәзиев, Флүрә Килдейәрова, Нәзифә Ҡадырова, Ғәли Алтынбаев, Азат Айытҡолов, Йәмил Әбделмәнов, Фәнәүи Сәлихов, Елена Мороз ҡатнашасаҡ.

Кисә 18 сәғәттә башлана. Билет хаҡы – 100-300 һум.

Шул уҡ ваҡытта Яңауылда, артистың тыуған төйәгендә, 22 мартта Радик Гәрәев исемендәге асыҡ вокалсылар конкурсы үҙ эшен башлай. Ҡала хакимиәтенән хәбәр итеүҙәренсә, бәйгелә ҡатнашыуға 40 кеше заявка биргән. Еңеүсене төп бүләк – 100 мең һум аҡса көтә.