6 декабрь, Шишәмбе

18 март 2013 йыл, 13:17

Константин Толкачев Федераль Йыйылыш ҡарамағындағы Закон сығарыусылар советы Президиумы составына инде

автор: Людмила Терновая

БР Дәүләт Йыйылышы – Ҡоролтай рәйесе Костантин Толкачев РФ Федераль Йыйылышы ҡарамағындағы Закон сығарыусылар советы Президиумы составына инде, тип хәбәр иттеләр республика парламентының матбуғат хеҙмәтенән.

Закон сығарыусылар советы үткән йылда булдырылды. Константин Толкачев Милли именлекте закондар менән тәьмин итеү мәсьәләләре һәм коррупцияға ҡаршы көрәшеү буйынса комиссияны етәкләне.

Совет Президиумына Федераль Йыйылыштың ике палатаһы рәйестәре һәм уларҙың урынбаҫарҙары, шулай уҡ төбәк парламенттарының иң абруйлы етәкселәре инә.