9 декабрь, Йома

13 март 2013 йыл, 11:33

Михаил Бабич Башҡортостан вәкилдәренә дәүләт наградалары тапшырҙы

автор: Ғәлиә Нәбиева

РФ Президентының Волга буйы федераль округындағы Тулы хоҡуҡлы вәкиле Михаил Бабич ил башлығы ҡушыуы буйынса Волга буйы федераль округы граждандарына дәүләт наградалары тапшырҙы. Тантаналы сара 12 мартта Түбәнге Новгород ҡалаһында үтте. Орден, миҙал һәм почетлы исемдәргә округтың төрлө төбәктәренән 20 кеше лайыҡ булды. Улар иҫәбендә Башҡортостан вәкилдәре лә бар.

Өфөнөң «30-сы балалар-үҫмерҙәр спорт мәктәбе» өҫтәмә белем биреү муниципаль мәғариф учреждениеһы табибы Михаил Давыдович «Рәсәй Федерацияһының атҡаҙанған табибы» исеменә лайыҡ булды. Оло Ыҡтамаҡ ауылынан педагог Рәйсә Мофазаловаға «Рәсәй Федерацияһының атҡаҙанған уҡытыусыһы» исеме бирелде.