9 декабрь, Йома

27 февраль 2013 йыл, 13:56

Ханты-Манси ҡалаһында йәшәүселәр башҡорт халҡының матди мәҙәниәте менән таныша

автор: Эльмира Сабирова

БР Милли музейы фондтарынан «Башҡорт халҡының матди мәҙәниәте» исемле күсмә күргәҙмә Ханты-Манси автономиялы округының ҙур мәҙәниәт учреждениеларының береһендә – Тәбиғәт һәм Кеше музейында тәҡдим ителә. Үткән йылдың июлендә музей үҙенең 80 йыллыҡ юбилейын билдәләгәйне.

24 мартҡа тиклем Ханты-Манси ҡалаһында йәшәүселәр Башҡортостан Республикаһының төп халҡы мәҙәниәте менән танышасаҡ. Экспозицияла биҙәүестәр, милли костюмдар, биҙәү-ғәмәли сәнғәт әйберҙәре, өй кәрәк-яраҡтары, һауыт-һаба һәм тирмә өлгөләре тәҡдим ителә.

темалар: күргәҙмәләр