Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 56.97 ↑

EUR 62.16 ↓

28 апрель, Йома

Уфа   °

Магнитогорскиҙа күп балалы әсәләргә «Башҡорт ҡоролтайы»нан премиялар тапшырыласаҡ

Йәмғиәт

Магнитогорскиҙа Халыҡ-ара ҡатын-ҡыҙҙар көнө алдынан күп балалы йәш әсәләргә аҡсалата премиялар тапшырыласаҡ. Тантаналы сара Опера һәм балет театрында «Ҡатын-ҡыҙ. Мәхәббәт. Яҙ» байрам кисәһе сиктәрендә үткәрелә.

Сара ҡала хакимиәте, Башҡортостандың Силәбе өлкәһендәге Даими вәкиллеге, өлкәнең «Башҡорт ҡоролтайы» йәмәғәт ойошмаһы ярҙамында ойошторола.

Йәш әсәләргә премияларҙы Башҡортостандың Силәбе өлкәһендәге вәкиле Амур Хәбибуллин, билдәле башҡорт боксеры, «Алтын бирсәткә» титулын йөрөтөүсе Сабир Сөләймәнов, Силәбе өлкәһенең Йәмәғәт палатаһы ағзаһы Наил Шәйҙуллин тапшырасаҡ.

Шулай уҡ кисәлә Сибай дәүләт филармонияһы, Магнитогорскиҙың «Йәшлек» һәм «Яйыҡ» үҙешмәкәр коллективтары артистарының, «Байрам» студияһында шөғөлләнеүсе йәш һәләтле башҡарыусыларҙың концерты ойоштороласаҡ.

Бындай сара өлкәлә беренсе тапҡыр үткәрелмәй. Былтыр Арғаяш ауылында ойошторолған кисәлә 500-ҙән ашыу кеше ҡатнашты, тип хәбәр итте Башҡортостандың Силәбе өлкәһендәге Даими вәкиллеге матбуғат секретары Михаил Хәбиров.

Яндекс цитирования
Рейтинг ресурсов "УралWeb" -->
закрыть