Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.03 ↓

EUR 69.59 ↓

23 август, Шаршамбы

Уфа   °

Күмертауҙа Республика ҡан тапшырыу станцияһының филиалы асылды

Йәмғиәт

Күмертауҙа Республика ҡан тапшырыу станцияһының филиалын асыу тантанаһы үтте. Сарала ҡала хакимиәте башлығы Борис Беляев, Республика ҡан тапшырыу станцияһының баш табибы Урал Солтанбаев, Күмертау Үҙәк ҡала дауаханаһының баш табибы Олег Астахов ҡатнашты.

Ҡала хакимиәтенең мәғлүмәт-аналитика бүлегенән хәбәр итеүҙәренсә, Күмертауҙың ҡан тапшырыу станцияһы заманса матди-техник базаға эйә. Федераль маҡсатлы программа буйынса йәмғеһе 24 миллион һум суммаға төрлө ҡорамалдар һатып алынған. Урал Солтанбаев билдәләүенсә, бындай кимәлдә йыһазландырылған станциялар һаны бөгөнгө көндә бик әҙ.

Яңы бинала шулай уҡ республика средстволары иҫәбенә 4 миллион һум суммаға ремонт үткәрелгән.

Филиал асыу тантанаһынан һуң бында хакимиәт хеҙмәткәрҙәре, студенттар, ҡала халҡы килде. Хакимиәт башлығы шулай уҡ ҡан тапшырҙы. Үҙенең өлгөһөндә ул һәр кемдең ауыр хәлдә ҡалған кешеләргә мөмкин тиклем ярҙам итергә тейешлеген күрһәтте.

Яндекс цитирования
Рейтинг ресурсов "УралWeb"
закрыть