9 декабрь, Йома

20 февраль 2013 йыл, 17:10

Башҡорт режиссеры Тимур Сәфиуллин Калифорния кинофестивале наградаһына лайыҡ булды

автор: Людмила Терновая

Силәбе өлкәһенең Башҡорт йәштәре иттифағы активисы, актер һәм режиссер Тимур Сәфиуллин «Crossway» тулы метражлы фильмы өсөн Калифорния кинофестиваленең бриллиант призына лайыҡ булды. Еңеүселәрҙе наградлау тантанаһы Сан-Диегола (АҠШ) үтте. Бындай тантаналы сара йыл һайын ойошторола. Фильм былтыр ике ай эсендә Таиландтың төрлө райондарында төшөрөлгән.

Бынан тыш, Тимур Сәфиуллин «Кисәгенән тәрәнерәк» («Глубже, чем вчера») ҡыҫҡа метражлы фильмы өсөн төрлө наградаларға, шул иҫәптән Канн мосолман киноһы фестивале призына лайыҡ булған. Бөгөнгө көндә режиссер Австралияның Мельбурн ҡалаһында йәшәй. Әлеге ваҡытта ул башҡорт рэперы Рәнис Аҡкужиндың йырына клип төшөрөү өҫтөндә эшләй.