3 декабрь, Шәмбе

20 февраль 2013 йыл, 10:15

Урындағы етештереүселәр тауарҙарына «Башҡортостан продукты» билдәһе ҡуйыласаҡ

автор: Галина Бахшиева

Тиҙҙән республика магазиндарында «Башҡортостан продукты» сауҙа маркаһы менән билдәләнгән продукция һатыла башлаясаҡ. Ихтыяри нигеҙҙә аҙыҡ-түлек продукттарына «Башҡортостан продукты» билдәһен ҡуйыуға рөхсәт ҡағыҙы биреү тәртибе һәм шарттары тураһында положение БР Хөкүмәте ҡарары менән раҫланған.

БР Ауыл хужалығы министрлығының матбуғат хеҙмәтенән хәбәр итеүҙәренсә, бындай ҡарар Башҡортостан тауар етештереүселәре продукцияһының урындағы баҙарҙа киң файҙаланылыуы өсөн ҡабул ителгән. Иң мөһиме, «Башҡортостан продукты» сауҙа маркаһын төбәктәге барлыҡ тауар етештереүселәр ала аласаҡ.

Махсус билдә ҡуйыуға рөхсәт ҡағыҙы алыу өсөн заявкалар БР Сауҙа һәм ҡулланыусылар хоҡуҡтарын яҡлау буйынса дәүләт комитеты менән ҡабул ителә башлған да инде. Тулыраҡ мәғлүмәт Дәүләт комитеты сайтында урынлаштырылған.