5 декабрь, Дүшәмбе

12 февраль 2013 йыл, 11:24

Мәләүез районында ауылдар төҙөкләндерелә

автор: Людмила Терновая

Мәләүез районы ауылдарында Хакимиәт көндәре башланды. Район хакимиәте вәкилдәре, торлаҡ-коммуналь хужалыҡ предприятиелары, Пенсия фонды һәм халыҡты социаль яҡлау идаралығы, Эске эштәр министрлығының район буйынса бүлексәһе етәкселәре һәм белгестәре, район Советы депутаттары, хужалыҡ етәкселәре халыҡ менән осрашыуҙар үткәрә.

Тәү сиратта ауыл халҡы юлдарҙы төҙөкләндереү, мәктәптәрҙе яңыртыу, урамдарҙы яҡтыртыу мәсьәләләре менән мөрәжәғәт итә.

— Район хакимиәте ауылдарҙы төҙөкләндереүҙә һәр яҡлап ярҙам күрһәтә, — тип билдәләне хакимиәт башлығы Малик Вәхитов. – Иң мөһиме, халыҡ өсөн эшләү һәм уларҙың проблемаларын хәл итеү. Был маҡсатҡа Хакимиәт көндәре генә түгел, ә ҡала һәм район хеҙмәттәренең көндәлек эшмәкәрлеге йүнәлтелгән.

Ай аҙағынаса хакимиәттең мобиль төркөмдәре Мәләүез районының барлыҡ 94 ауылы халҡы менән осрашасаҡ.