5 декабрь, Дүшәмбе

12 февраль 2013 йыл, 10:09

Өфөлә «Алмас» халыҡ-ара көнсығыш бейеүҙәре фестивале үтәсәк

автор: Розалия Вәлиева

Беренсе «Алмас» халыҡ-ара көнсығыш бейеүҙәре фестивале 15-17 февралдә Өфөлә үтә.

Сарала Рәсәйҙең 35 ҡалаһынан, шулай уҡ БДБ илдәренән йәмғеһе 200 бейеүсенең ҡатнашыуы көтөлә. Ҡатнашыусылар араһында ике ир кеше лә бар. Бейеү сәнғәте оҫталарының ижадына баһа биреү һәм тәжрибә уртаҡлашыу өсөн Мысырҙан билдәле бейеүсе Ранда Камел киләсәк.

— Киевта халыҡ-ара бейеү фестивалдәре йылына бер нисә тапҡыр үткәрелә. Бейеүселәрҙең һәм педагогтарҙың оҫталыҡ кимәлен күтәреү уларҙың төп маҡсаты булып тора, — тип билдәләне «Алмас» фестивален ойоштороусы Яна Ғилметдинова.

15 һәм 17 февралдә фестивалдә ҡатнашыусылар өсөн оҫталыҡ дәрестәре ойошторола, ә 16 февралдә концерт һәм еңеүселәрҙе тәбрикләү тантанаһы үтә.

Сара Ҡала мәҙәниәт һарайында үтә. Инеү бушлай. Тулыраҡ мәғлүмәт фестивалдең рәсми сайтында урынлаштырылған.