10 декабрь, Шәмбе

11 февраль 2013 йыл, 13:47

Өфөлә Халыҡ-ара балалар уйындарында ҡатнашыусылар Халыҡ-ара йыһан станцияһы менән бәйләнешкә сығасаҡ

автор: Розалия Вәлиева

VI Ҡышҡы халыҡ-ара балалар уйындарында ҡатнашыусылар Өфөлә спорт форумының аҙаҡҡы көнөндә – 2 мартта Халыҡ-ара йыһан станцияһы экипажы менән радиобәйләнеш ойошторасаҡ. Бәйләнеш сеансы Өфө дәүләт авиация техник университетының йыйылыштар залында урындағы ваҡыт менән 13 сәғәт 30 минутта башлана.

34-се экспедиция космонавтары (Рәсәйҙән – Олег Новицкий, Евгений Тарелкин, Роман Романенко һәм Американан – Кевин Форд, Хадфилд Кристофер, Машбёрн Томас) 10 минут дауамында VI Ҡышҡы халыҡ-ара балалар уйындары сиктәрендә ойошторолған йәштәр акцияһында – «Ҙур уйын»да ҡатнашыусыларҙың 20 һорауына яуап бирәсәк.