9 декабрь, Йома

11 февраль 2013 йыл, 12:29

«Науруз гүзәле» йәнә Башҡортостан һылыуҡайҙарын йыясаҡ

автор: Әлим Фәйезов

Башҡортостанда татар һылыуҡайҙары араһында йәнә «Науруз гүзәле-2013» конкурсы үтәсәк. Төрки телле халыҡтарҙың матур йолаға әүерелгән был бәйгеһе йәштәрҙең иғтибарын милли мәҙәниәт сығанаҡтарына йүнәлтеү, туған телгә һөйөү тәрбиәләү, йәштәрҙең ялын ойоштороу, рухи донъяһын байытыу маҡсатында үткәрелә.

Конкурсты ойоштороусылар хәбәр итеүенсә, беренсе тур 13 февралдә – Стәрлетамаҡта, 16 февралдә – Дүртөйлөлә, 20 февралдә – Туймазыла, 27 февралдә Үрге Ҡыйғыла үтә. Икенсе һайлап алыу туры 2 мартта Өфөлә үтә. Бәйгелә ҡатнашыусылар үҙҙәре менән таныштырасаҡ, ижади номерҙар менән сығыш яһаясаҡ.

Конкурс финалы 21 мартта Өфө «Нур» татар дәүләт театрында үтә.