2 декабрь, Йома

08 февраль 2013 йыл, 13:04

Роберт Юлдашев Русский утрауында сығыш яһаны

автор: Розалия Вәлиева

Танылған ҡурайсы Роберт Юлдашев һәм уның «Ҡурайсы» төркөмө Азия-Тымыҡ океан парламент форумының 21-се сессияһы сиктәрендә Руский утрауында Владивостокта сығыш яһаны, тип хәбәр итте «Башинформ» агентлығына музыканттың матбуғат секретары Анастасия Новодержкина.

Башҡортостан музыканттары тамашасыларға башҡорт фольклоры мотивтарына таянып ижад ителгән «Торна» риүәйәтен тәҡдим итте. Шулай уҡ улар «Терем-квартет» рус халыҡ музыка ҡоралдары ансамбле, «Якутия виртуоздары» скрипкасылар ансамбле һәм «Хуун-Хуур-Ту» төркөмө менән бергә сығыш яһаны.

Роберт Юлдашев һәм «Ҡурайсы» төркөмөнөң алдағы концерты 25 февралдә Тольяттила үтә, ә 25 мартта Өфөлә музыкант яңы программаһын тәҡдим итәсәк.