Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 57.33 ↑

EUR 67.45 ↓

18 октябрь, Шаршамбы

Уфа   °

«Башҡортостан Республикаһында ҡулланыусылар кәрзине тураһында»ғы закон проекты әҙерләнде

Сәйәсәт

«Башҡортостан Республикаһында ҡулланыусылар кәрзине тураһында»ғы закон проекты әҙерләнде. Документ РФ субъекттарында йәшәүсе халыҡтың төп социаль-демографик төркөмдәре өсөн ҡулланыусылар кәрзинен билдәләү буйынса методиҡ реконмендацияларға ярашлы әҙерләнде, тип хәбәр иттеләр БР Хеҙмәт һәм халыҡты социаль яҡлау министрлығының матбуғат хеҙмәтенән. Был рекомендациялар 2013 йылдың 28 ғинуарында Рәсәй Хөкүмәте ҡарары менән раҫланған.

«Башҡортостан Республикаһында ҡулланыусылар кәрзине тураһында»ғы закон проектын әҙерләү буйынса эш 2012 йылдың йәйендә башланды. Бының өсөн махсус эш төркөмө булдырылды, уның составына республиканың Финанстар министрлығы, Иҡтисади үҫеш министрлығы, Һаулыҡ һаҡлау министрлығы, Федераль дәүләт статистика хеҙмәтенең Башҡортостан Республикаһы буйынса Территориаль органы (Башҡортостанстат), шулай уҡ төбәктең Сауҙа-сәнәғәт палатаһы һәм Профсоюздар федерацияһы вәкилдәре инде.

БР Хеҙмәт һәм халыҡты социаль яҡлау министрлығының матбуғат секретары Эльмира Кожаева хәбәр итеүенсә, алдағы арала закон проекты БР Дәүләт Йыйылышы – Ҡоролтай депутаттарына тикшереүгә ебәреләсәк.

Яндекс цитирования
Рейтинг ресурсов "УралWeb"
закрыть