6 декабрь, Шишәмбе

06 февраль 2013 йыл, 11:51

Баш ҡалала болгар йәкшәмбе мәктәбе асылды

автор: Ғәлиә Нәбиева

Өфөлә болгар йәкшәмбе мәктәбе асылды, тип хәбәр итте «Башҡортостан — Болгария» дуҫлыҡ йәмғиәтенең башҡарыусы директоры Татьяна Коробова. Яңы белем биреү учреждениеһы Болгар мәҙәни үҙәгендә булдырылды.

Йәкшәмбе мәктәбе айына ике тапҡыр эшләйәсәк. Уҡытыусылар болгар телен уҡытырға, халыҡ мәҙәниәте, традициялары, тарихы менән таныштырырға, оҫталыҡ дәрестәре үткәрергә, балаларҙы төрлө конкурстарҙа һәм күргәҙмәләрҙә ҡатнаштырырға планлаштыра. Мәктәп эшмәкәрлегенә Башҡорт дәүләт университеты контроллек итәсәк.