4 декабрь, Йәкшәмбе

06 февраль 2013 йыл, 11:24

«Ҡағыҙ бумы!» сиктәрендә баш ҡалала 48 тоннанан ашыу макулатура йыйылған

автор: Галина Бахшиева

Өфөнөң Ленин районы уҡыусылары «Ҡағыҙ бумы!» акцияһының икенсе этабы сиктәрендә 17 тоннаға яҡын макулатура йыйған.

Шулай итеп, акция йомғаҡтары буйынса Башҡортостан баш ҡалаһының Киров һәм Ленин райондарында йәмғеһе 48 тоннанан ашыу макулатура йыйылған, тип хәбәр ителә Башҡортостандың Экология порталында.

Тәбиғәтте һаҡлау акцияһының киләһе этаптары Өфөнөң Дим һәм Совет райондарында дауам итәсәк.

Иҫегеҙгә төшөрәбеҙ, «Ҡағыҙ бумы!» Тирә-яҡ мөхитте һаҡлау йылы сиктәрендә үткәрелә. Ҡалдыҡтарҙы айырып йыйыу һәм эшкәртеү мәсьәләһенә йәмәғәтселек иғтибарын йәлеп итеү, тәбиғәт ресурстарына һаҡсыл ҡараш тәрбиәләү, шулай уҡ балаларҙы ҡаланы таҙартыу эшмәкәрлегенә йәлеп итеү акцияның төп маҡсаттары булып тора.

Эшкәртеүгә йүнәлтелгән бер тонна макулатура дүрт кубометрға яҡын ағасты һаҡлай, ә был биш ҙур ағас тигән һүҙ.