Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.36

EUR 69.71

20 август, Йәкшәмбе

Уфа   °

Республиканың Йәштәр палатаһы Татарстандан хеҙмәттәштәре менән килешеү төҙөнө

Сәйәсәт

БР Дәүләт Йыйылышы – Ҡоролтай ҡарамағындағы Йәштәр палатаһы Татарстандың йәш парламентарийҙары менән килешеү төҙөнө. 2 февралгә тиклем дауам итәсәк Ҡазанға визит сиктәрендә республиканың йәш парламентарийҙары «Татарстан Республикаһында һәм Башҡортостан Республикаһында йәштәр парламентаризмы нигеҙендә йәштәр инициативаларын үҫтереү» тип аталған түңәрәк өҫтәлдә ҡатнашасаҡ. Шулай уҡ Татарстандың йәштәр ойошмалары лидерҙары менән осрашыуҙар планлаштырылған.

— Йәй көнө «Мин — граждан» төбәк-ара форумын үтәрҙек, унда Ҡазандан да делегация ҡатнашты, — тип һөйләне БР Дәүләт Йыйылышы – Ҡоролтай ҡарамағындағы Йәштәр палатаһы рәйесе Николай Самойленко. – Татарстандың йәш парламентарийҙары тығыҙыраҡ бәйләнештәр булдырыу маҡсатында беҙҙе яуап визиты менән саҡырҙы. Йәштәр ойошмалары үҙәген, спорт һәм ҡунаҡсыллыҡ инфраструктураһы объекттарын ҡарарға планлаштырабыҙ. Иң мөһиме, ике республиканың йәштәр ойошмалары араһында артабан бергәләп эш итеү йүнәлештәрен билдәләү зарур.

Николай Самойленко һүҙҙәренсә, Башҡортостандың Йәштәр йәмәғәт палатаһы Рәсәйҙең башҡа төбәктәрендә эшләгән йәш парламентарийҙар менән бәйләнештәр булдырыу практикаһын артабан да ҡулланасаҡ.

Яндекс цитирования
Рейтинг ресурсов "УралWeb"
закрыть