6 декабрь, Шишәмбе

25 ғинуар 2013 йыл, 16:15

Өфө волонтерҙарына хоккей буйынса Донъя чемпионатын үткәреүҙә ярҙам күрһәткәндәре өсөн Рәхмәт хаттары тапшырылды

автор: "Башинформ"

Көн элгәре Өфөнөң Спот һарайында «Толпар» һәм «Югра мамонттары» (Ханты-Манси) командалары араһында үткәрелгән Йәштәр хоккей лигаһы чемпионаты матчы ваҡытында 2013 йылғы йәштәр командалары араһында хоккей буйынса Донъя чемпионатын ойоштороу һәм үткәреүҙә ярҙам иткән волонтерҙарҙы тәбрикләү тантанаһы үтте. Иҫегеҙгә төшөрәбеҙ, турнир Өфөлә 26 декабрҙән 5 ғинуарға тиклем үткәрелде.

Наградлау тантанаһында БР йәштәр сәйәсәте һәм спорт министры урынбаҫары Павел Мөслимов һәм БР «Спорт сараларын ойоштороу һәм үткәреү буйынса идаралығы» автономиялы коммерцияға ҡарамаған берләшмәһе начальнигы Александр Ефимов ҡатнашты. Волонтерҙар ойоштороу комитетының, шулай уҡ Халыҡ-ара хоккей федерацияһының Рәхмәт хаттары, чемпионат символикаһы төшөрөлгән сувенир продукцияһы менән бүләкләнде.