8 декабрь, Кесе йома

24 ғинуар 2013 йыл, 14:44

Башҡортостанда сәнәғәт производствоһы 2012 йылда 5,7 процентҡа артҡан

автор: Эльвира Латипова

Башҡортостанда сәнәғәт производствоһы индексы 2012 йыл йомғаҡтары буйынса 105,7 процент тәшкил иткән. Бындай мәғлүмәт менән Федераль дәүләт статистика хеҙмәтенең Башҡортостан Республикаһы буйынса Территориаль органы (Башҡортостанстат) таныштыра.

Статистика мәғлүмәттәренә ярашлы, һуңғы биш йыл дауамында республикала сәнәғәт производствоһы индексы, дөйөм Рәсәй күрһәткестәре менән сағыштырмаса, тотороҡло үҫешә. Рәсәйҙә сәнәғәт производствоһы индексы 2012 йылда 102,6 процент тәшкил иткән.