5 декабрь, Дүшәмбе

21 ғинуар 2013 йыл, 14:59

Учалы халҡы ҡаланың 50 йыллығын билдәләйәсәк

автор: Любовь Колоколова

2013 йыл Учалы халҡы өсөн ҡаланың 50 йыллығы билдәһе аҫтында үтәсәк. 1 февралдә юбилей сараларына рәсми старт бирелә, ә төп ваҡиғалар 17-24 августа үткәрелә. Был хаҡта «Башинформ» агентлығына Учалы районы хакимиәтенең мәғлүмәт-аналитика бүлеге начальнигы Альмира Ковалевская хәбәр итте.

Тарихҡа байҡау яһағанда, 1963 йылдың 1 февралендә Бәләкәй Учалы һәм Яңы Учалы ҡасабалары ҡушылып, бер ҡалаға берләштерелә, уға Учалы тигән исем бирелә.

2012 йылдың 24 июлендә – Башҡортостан Президенты Рөстәм Хәмитовтың Учалы ҡалаһының 50 йыллығын билдәләү тураһындағы Указы, йыл аҙағында БР Хөкүмәтенең был ваҡиға айҡанлы ҡарары сыға. Ойоштороу комитетына етәкселек итеү республика Президенты Хакимиәте етәксеһе Владимир Балабановҡа йөкмәтелде. Әлеге ваҡытта юбилей датаһының логотибы раҫланған, саралар планы әҙерләнгән.