4 декабрь, Йәкшәмбе

21 ғинуар 2013 йыл, 10:09

Стәрлетамаҡта сүп-сар эшкәртеү буйынса пилот проекты тормошҡа ашырыла башлаясаҡ

автор: Галина Бахшиева

2013 йылда Стәрлетамаҡта сүп-сар эшкәртеү буйынса пилот проекты тормошҡа ашырыла башлаясаҡ. Уны ҡалалағы ҡаты көнкүреш ҡалдыҡтары полигоны һәм сүп-сарҙы сорттарға айырыу линияһы нигеҙндә ғәмәлләштереү планлаштырыла.

— Проекттың барлыҡ ыңғай һәм кире яҡтары уны тормошҡа ашырыу барышында асыҡланасаҡ. Шуны ла әйтеп үтергә кәрәк, пилот проекты үҙенең средстволары иҫәбенә сүп-сар эшкәртеү комплексы төҙөгән инвестор ярҙамында ғәмәлләштереләсәк. Инвестициялар йәлеп итеү бурысын республика Президенты барлыҡ власть органдары алдына ҡуя һәм ул һәр район кимәлендә үтәлергә тейеш. Тирә-яҡ мөхитте һаҡлау, ҡалдыҡтарҙы утилләштереү төрлө инвестиция проекттарын тормошҡа ашырыу өсөн яҡшы йүнәлештәр булып тора, — тип һыҙыҡ өҫтөнә алды Башҡортостандың тәбиғәттән файҙаланыу һәм экология министры Илдар Һаҙыев Баймаҡта Улар аръяғы райондары башлыҡтары ҡатнашлығындағы зона кәңәшмәһендә.