4 декабрь, Йәкшәмбе

17 ғинуар 2013 йыл, 12:33

Өфөнөң Ленин районында Өсөнсө быуын халыҡ университеты эшләй башланы

автор: Арина Рәхимҡолова

Өфө ҡалаһының Ленин районы хакимиәтендә Өсөнсө быуын халыҡ университетын асыу тантанаһы һәм тәүге лекциялар үтте.

Ветерандарҙы берләштереү, тормош тәжрибәһе менән уртаҡлашыу, оло йәштәге кешеләрҙең йәмғиәт тормошонда ҡатнашыуын әүҙемләштереү университеттың төп маҡсаттары булып тора, тип билдәләне район башлығы Владимир Нагорный, сараны асып.

Рәсәй дәүләт социаль университетының Өфөләге филиалы директоры Рөстәм Әхмәҙинуров сарала ҡатнашыусыларҙы «Өсөнсө быуын халыҡ университеты» проектының тарихы һәм мөмкинлектәре менән таныштырҙы.

Иҫегеҙгә төшөрәбеҙ, бөтә республика буйлап тормошҡа ашырылған әлеге проект белем биреү генә түгел, социаль йүнәлеште лә үҙ эсенә ала. Ул ололарҙың тормошон ҡыҙыҡлы, сараларға бай, сағыу итеү маҡсатында ғәмәлләштерелә. Дәрестәрҙән тыш, пенсионерҙар өсөн экскурсиялар, тематик кисәләр һәм осрашыуҙар үтәрелә.

Халыҡ университетында уҡыу бушлай, уны тамамлаусыларға махсус сертификаттар тапшырыла.