9 декабрь, Йома

14 ғинуар 2013 йыл, 12:06

Өфөнөң «Дуҫлыҡ» халыҡ бейеүҙәре ансамбле халыҡ-ара фестивалдә Гран-при яуланы

автор: Эльмира Сабирова

Өфөнөң «Дуҫлыҡ» халыҡ бейеүҙәре ансамбле Санкт-Петербургта үткән «Раштыуа алдынан» халыҡ-ара балалар һәм үҫмерҙәр ижады фестиваль-конкурсында Гран-при яуланы.

Бәйгелә ижади коллектив «Шатлыҡ» һәм «Бөркөттәр иле» тип аталған ике башҡорт бейеүен тәҡдим итте.

Өфө ансамбле барыһын да сағыу постановкаһы, матур костюмдары һәм ташып торған дәрте менән таң ҡалдырҙы, тип билдәләй жюри ағзалары.

Ансамблдең художество етәксеһе Альбина Нуриманова «Фестивалдең иң яҡшы балетмейстеры» дипломына лайыҡ булды.

Конкурста 20 ҡаланан 300-гә яҡын ҡатнашыусы сығыш яһаны. Улар инструменталь, вокаль, театр һәм хореография сәнғәте номинацияларында көс һынашты.

темалар: фестивалдәр