9 декабрь, Йома

11 ғинуар 2013 йыл, 17:17

Бөрйән районында иң яҡшы башҡорт теле һәм әҙәбиәте уҡытыусыһы билдәләнде

автор: Арина Рәхимҡолова

Бөрйән районының Мәҙәниәт һарайында «Башҡорт теле һәм әҙәбиәте уҡытыусыһы- 2013» конкурсының финалы үтте.

Иң яҡшы уҡытыусы исеменә Иҫке Собханғол, Әбделмәмбәт, Ырғыҙлы, Байназар һәм Аҫҡар ауылы педагогтары көс һынашты. Район хакимиәтенең мәғлүмәт-аналитика бүлегенән хәбәр итеүҙәренсә, бәйгелә ҡатнашыусыларҙың барыһы ла яҡшы әҙерләнгән. Һөҙөмтәлә Байназар урта дөйөм белем биреү мәктәбе уҡытыусыһы Рәсимә Баязитова еңеүсе тип танылды.

Ойоштороусылар билдәләүенсә, конкурста ҡатнашыу уҡытыусының шәхси һәм профессиональ үҫешенә булышлыҡ итеп кенә ҡалмай, ә барлыҡ коллективтың үҫешенә йоғонто яһай, сөнки һәр ҡатнашыусыға ярышҡа әҙерләнергә бөтә коллектив ярҙам итә.