8 декабрь, Кесе йома

11 ғинуар 2013 йыл, 9:54

Хәйбулла районында 2012 йылда 525 сабый тыуған

автор: Арина Рәхимҡолова

Хәйбулла районында 2012 йылда 525 сабый – 255 малай һәм 270 ҡыҙ тыуған. Бындай мәғлүмәттәр менән райондың ЗАГС бүлеге таныштыра. 171 сабый ғаиләлә – беренсе, 185-е – икенсе, 107-һе – өсөнсө һәм 60 сабый дүртенсе бала булып донъяға килгән. Алты ғаиләлә игеҙәктәр тыуған.

Үткән йылда районда 438 кеше, шул иҫәптән 245 ир һәм 193 ҡатын-ҡыҙ үлгән. Шулай итеп, халыҡтың тәбиғи артыуы 87 кеше тәшкил иткән.

Хәйбулла районында даими йәшәүсе халыҡ иҫәбе 2013 йылдың 1 ғинуарына ҡарата 32975 кеше тәшкил иткән.

Йыл эсендә 277 яңы ғаилә барлыҡҡа килгән, 103 айырылышыу теркәлгән. 13 кеше исемен алмаштырырға теләк белдергән.